Yn ddiweddar mae Telemat, sef t\u00eem arbenigol Antur Teifi ym maes TG, wedi ennill contract i ddarparu cymorth TG i bob un o Aelodau\u2019r Cynulliad yng Nghymru. Bydd t\u00eem Telemat yn cynorthwyo Adran TG y Cynulliad Cenedlaethol drwy ddarparu cymorth yn y fan a\u2019r lle i ymdrin \u00e2\u2019r offer TG a ddefnyddir gan y staff ac Aelodau\u2019r Cynulliad ym mhob un o\u2019r swyddfeydd sydd mewn etholaethau ledled Cymru.<\/p>\n
Mae Clive Davies, Rheolwr Gweithrediadau Telemat, o\u2019r farn bod deall anghenion unigryw defnyddwyr TG mewn ardaloedd gwledig ynghyd \u00e2 gallu\u2019r cwmni i addasu ei arferion gweithio i anghenion cleientiaid wedi bod yn ffactor o bwys yn y llwyddiant hwn y mae Telemat wedi\u2019i brofi\u2019n ddiweddar.<\/p>\n
Meddai, \u201cRydym yn falch iawn o fod wedi ennill y contract hwn. Mae\u2019n tystio i allu ein t\u00eem i ddarparu gwasanaethau TG dibynadwy mewn lleoliadau ledled Cymru. Mae hynny wedi\u2019i gydnabod hefyd gan y ffaith ein bod wedi ennill achrediad y rhaglen CompTIA Accredit UK Trustmark+ yn ddiweddar \u2013 am yr ail flwyddyn yn olynol.\u201d<\/p>\n
Mae\u2019r rhaglen CompTIA Trustmark yn cydnabod gwaith a phrosesau cyfredol ac mae hefyd yn hybu gwelliant parhaus ac arweiniad i fusnesau er mwyn ysgogi twf. Cafodd yr achrediad ei ddyfarnu i Telemat oherwydd gallu\u2019r cwmni i ddatblygu a darparu rhaglenni a gwasanaethau TGCh ardderchog i\u2019w gwsmeriaid, a bydd yn allweddol o safbwynt helpu’r busnes i gyrraedd ei darged, sef sicrhau ei fod yn tyfu 20% yn ystod y pum mlynedd nesaf.<\/p>\n
Meddai Clive, \u201cMae sicrhau bod y gweithdrefnau cywir ar waith yn galluogi\u2019r t\u00eem i berfformio\u2019n gyson a chael y wybodaeth ddiweddaraf bob amser am ddatblygiadau newydd er mwyn darparu gwasanaeth o\u2019r radd flaenaf i\u2019n cwsmeriaid \u2013 y mae rhai ohonynt wedi bod gyda ni ers bron 20 mlynedd.\u201d<\/p>\n
Mae Telemat yn rhan o fenter gymdeithasol Antur Teifi, ac mae\u2019n darparu gwasanaethau TG i sefydliadau sy\u2019n amrywio o fusnesau hollol newydd i fusnesau mawr sydd wedi ennill eu plwyf, elusennau a\u2019r sector cyhoeddus.<\/p>\n
Mae\u2019r ffaith bod gan Telemat 15 o swyddfeydd ledled y canolbarth a\u2019r gorllewin yn golygu ei fod mewn sefyllfa dda i ymateb yn sydyn i anghenion brys Aelodau\u2019r Cynulliad o ran TG.<\/p>\n
Meddai Clive Davies wedyn, \u201cRydym hefyd yn falch ein bod yn gallu cynnig gwasanaeth hollol ddwyieithog. Mae\u2019n bwysig i ni bod Aelodau\u2019r Cynulliad \u2013 a phob un o\u2019n cwsmeriaid \u2013 yn cael cyfle i drafod eu hanghenion yn eu dewis iaith. Bydd rhoi ein sgiliau TG a\u2019n sgiliau ieithyddol ar waith ledled Cymru yn brofiad cyffrous iawn.\u201d<\/p>\n","protected":false},"excerpt":{"rendered":"