Yn Defnyddio TG i Lwyddo
Date: 12th June 2008
Lleolir Cylch Peiriannau Penfro (Pembrokeshire Machinery Ring - PMR) a ffurfiwyd ym 1991, yng nghysgod Cadeirlan Tyddewi.
Mae PMR, sy’n sefydliad cydweithredol o eiddo’r aelodau, yn tynnu ffermwyr a chyflenwyr amaethyddol at ei gilydd ac yna’n gweithredu fel cydlynydd i gysylltu tasg arbennig efo’r aelodau sy’n berchen ar yr offer angenrheidiol i gwblhau’r gwaith. Yn ogystal â gostwng costau buddsoddi mewn peiriannau a chostau eraill, mae’n cynyddu’r farchnad posibl am waith cytundeb.
Mae PMR hefyd yn trefnu staff llanw a gwasanaethau. Mae gan aelodau ystod eang o gymwysterau i’w cynnig: bugeiliaid anifeiliaid, cneifio defaid, gofalu am dai a hyd yn oed chwaraewr bagbibau!
Ar hyn o bryd mae dros 1100 o aelodau sydd yn creu mwy o bwer i’r sefydliad i brynu tanwydd a bwydydd anifeiliaid. O’r dechreuad mae PMR wedi cydnabod pwysigrwydd TG oddi fewn i’r mudiad.
Felly buddsoddwyd mewn basdata arbenigol i ymdopi gyda holl agweddau’r busnes o ddydd i ddydd: aelodaeth, hanes, archebion, anfonebu ac argaeledd peiriannau a hyd huriad. Defnyddir system ‘Sage’ o gadw cyfrifon i gydfynd â hyn.
Sylweddolodd Graham Perkins, Rheolwr PMR, fod busnes sy’n ddibynnol ar TG angen cefnogaeth ymroddedig ac arbenigol, a dyma a’i sbardunodd i alw ar Telemat.
Wedi ei leoli yng Nghastellnewydd Emlyn, mae Telemat yn darparu ystod gyflawn o weithrediadau TG i fusnesau ledled y Deyrnas Gyfunol. Trefnwyd Cytundeb Lefel Gwasanaeth i PMR gyda Telemat ac nid ydynt wedi edrych yn ôl ers hynny.
Dywedodd Graham ‘Dangosodd Telemat ddealltwriaeth o’n busnes o’r dechreuad – yn enwedig costau!’ Ychwanegodd ‘Mae’n hollbwysig i ni fedru parhau i weithio yn dawel ein meddwl fod ein TG yn ddiogel a dibynadwy. Bydd Telemat yn ein cadw ar waith ac yn gwneud gwaith cynnal a chadw cyson i rwystro problemau.’
Mae cytundebau cynnal a chadw Telemat yn cynnwys cefnogaeth di-derfyn ar ffôn ac ar eBost yn ogystal ag ymweliadau â’r safle a chefnogaeth o bell.
Dywedodd Graham, ‘Y peth pwysicaf i’r busnes oedd cael ein cyflwyno i’r Bandeang. Gosododd ‘Telemat wasanaeth sy’n caniatau i’n staff Maes Cefnogol ddefnyddio’n rhwydwaith a gweithredu fel petaent yn y swyddfa gyda ni. Maent hefyd yn monitro’n systemau i atal ymosodiadau Rhyngrwyd ac i sicrhau fod trefniadau wrth gefn yn gweithio’n iawn.’
I derfynu, dywedodd Graham ‘Mae cael cytundeb Cynnal a Chadw gyda Telem@ wedi sicrhau fod gennym y wybodaeth a’r profiad i ofalu am ein buddsoddiad fel ein bod ni’n medru canolbwyntio ar redeg y busnes.’
Antur Teifi Business Park, Aberarad, Newcastle Emlyn, Carmarthenshire, SA38 9DB.
General Enquiries: 01239 712345 - Sales and Customer Care: 01239 712344
Email Enquiries: enquiries@telemat.co.uk - Technical Helpdesk: helpdesk@telemat.co.uk
 |
 |
 |
Busnes gyda siaradwyr Cymraeg |
| ISO 9001:2000 |
