Tyfu drwy Bartneriaeth
Date: 16th June 2008
Tyfodd busnes sy’n cynhyrchu a dosbarthu bwydydd anifeiliaid anwes yn Sir Gaerfyrddin i’r fath raddau fel ei bod eisoes wedi comisiynu peiriant cynhyrchu newydd.
Busnes deuluol yng ngwir ystyr y gair yw Cambrian Pet Foods o Bencader. Fe’i sefydlwyd gan Mr David Davies ugain mlynedd yn ôl. Caiff gefnogaeth gan ei feibion Jonathan a Richard sydd, ill dau, yn Gyfarwyddwyr. Mae Cambrian Pet Foods, sy’n enwog yn bennaf am y brand Gelert, yn dibynnu’n helaeth ar Dechnoleg Gwybodaeth ar gyfer bas-data cwsmeriaid, o ran cysylltu, cynhyrchu a dosbarthu, yn ogystal â chyfrifon.
Mae arbenigedd Telemat wedi galluogi Cambrian Pet Foods i ddefnyddio TG fel offeryn amhrisiadwy i reoli busnes sy’n cynyddu o hyd. Pan gymerwyd drosodd yr hen hufenfa yn Llangadog, darparodd Telemat ddull diogel o gyfathrebu rhwng Llangadog a Phencader, gan beri integreiddio cyflym. Yn ddiweddar enillodd Cambrian Pet Foods gytundeb i gyflenwi cadwyn o arch-farchnadoedd pwysig gyda‘u bwyd arbennig i anifeiliaid anwes. O ganlyniad, mae’r cwmni wedi cychwyn prosiect datblygu gwerth £2¼m.
Mae Telemat yn edrych ymlaen i weithio gyda’r cwmni eithriadol lwyddiannus hwn i’w hwyluso i gynyddu’n ddi-drafferth ac wrth edrych ymlaen i’r dyfodol.
Dywedodd Clive Davies, Rheolwr Gweithrediadau Telemat:
‘Rydym yn hynod falch o’r berthynas sydd wedi datblygu rhyngom ni a Cambrian Pet Foods ac mae’r ehangiad newydd yn amser cyffrous nid yn unig iddynt hwy ond i’r ardal gyfan.’
Dywedodd Mr David Davies, Rheolwr Gyfarwyddwr Cambrian Pet Foods:
“Wrth edrych yn ôl dros y 25 mlynedd ers y cychwyn, fe sylweddolwn nad oeddem yn meddwl y buasem yn paratoi ein cynnyrch maethlon ar gyfer anifeiliaid anwes ar y fath raddfa. Gwaith caled pob un aelod o’n staff, y gefnogaeth enfawr yr ydym wedi ei fwynhau gan ein cwsmeriaid a’n cyflenwyr, ac hefyd y cyngor doeth a synhwyrol gafwyd gan ein ymgynghorwyr busnes fu’n cyd-weithio â ni yn ddyddiol, sydd wedi ein cynorthwyo i gyrraedd y fan hyn heddiw.”
Antur Teifi Business Park, Aberarad, Newcastle Emlyn, Carmarthenshire, SA38 9DB.
General Enquiries: 01239 712345 - Sales and Customer Care: 01239 712344
Email Enquiries: enquiries@telemat.co.uk - Technical Helpdesk: helpdesk@telemat.co.uk
 |
 |
 |
Busnes gyda siaradwyr Cymraeg |
| ISO 9001:2000 |
